Friday, April 21, 2006

பயணங்கள் முடிவதில்லை - 1

ரொம்ப நாளாகவே ஒரு பயணக் கட்டுரை எழுத வேண்டும் என்று எனக்கு ஆசை. அதை இப்பொழுது இந்த பதிவின் மூலம் நிறைவேற்றிக் கொள்கிறேன்.

இரண்டு வாரங்களுக்கு முன், ஒரு வியாழன் இரவு மலைக்கோட்டை விரைவு வண்டியில் தொடங்கியது எங்கள் பயணம்(நான்,என் அப்பா, அம்மா மட்டும் தான், என் தம்பியெல்லாம் வரவில்லை). மறுநாள் 7.30 மணிக்கு கும்பகோணம் வந்தடைந்த நாங்கள்,முதலில் சக்தி முற்றம் செல்லத் திட்டமிட்டிருந்தோம். ரயில் நிலையத்திலிருந்து 15 ரூபாய் கொடுத்தால், பேருந்து நிலையத்திற்கு ஆட்டோவில் போய் விடலாம். அங்கேயிருந்து பட்டீஸ்வரம் செல்லும் பேருந்தில் ஏறினோம். கும்பகோணத்தில் எங்கு திரும்பினாலும் கோவில்கள். அது மட்டும் இல்லை, இங்கே சந்து பொந்துக்குள்ளே எல்லாம் பஸ்சை விடுகிறார்கள். சில இடங்களில் பேருந்து ஜன்னலில் இருந்து கையை வெளியே நீட்டினால் தெருவில்(தெருவா அது? சந்து!) உள்ள வீட்டுக் கதவுகளைத் தட்டலாம், அவ்வளவு சிறிய தெருக்களில் எல்லாம் வண்டியை விடுகிறார்கள். சிறிது நேரத்திலேயே பட்டீஸ்வரம் வந்தடைந்தோம். அங்கேயிருந்து 5 நிமிட தூரத்தில் தான் சக்தி முற்றம். பல பேருக்கு அந்த கோவில் பற்றி தெரியவில்லை. 'பூமியில் அவதரித்த சக்தி, சிவனை வேண்டித் தவம் இருக்கும் பொழுது, சிவன் அக்னி பிழம்பாய் தோன்ற, வந்திருப்பது சிவன் என்று உணர்ந்த சக்தி அக்னியைத் தழுவுகிறார். உடனே அக்னி, சிவலிங்கமாக மாறி விடுகிறது.' இது தான் ஸ்தல புராணம். எனவே இந்த கோவிலில் சிவலிங்கத்தை தழுவிக் கொண்டு நிற்கும் சக்தியே மூலவர் . இதைத் தவிர ஒரு சிவன் சன்னிதியும், அம்பாள் சன்னிதியும் தனியாக உள்ளன. இந்த ஸ்தலத்திற்கு அகத்தியரே வருகை தந்ததாக வரலாறு, எனவே மிக பழமை வாய்ந்த கோவில். இங்கே அபிஷேகம் ஏற்பாடு ஆகி இருந்ததால் அதை முடித்துக் கொண்டு பட்டீஸ்வரம் கோவிலுக்கு வந்து சேர்ந்தோம்.

பட்டீஸ்வரம் கோவிலில் விஷ்ணு துர்க்கைக்கு அப்பொழுது ராகு கால அபிஷேகம் நடந்துக் கொண்டிருந்தது. விஷ்ணு துர்க்கை சுமார் 10 அடி உயரமாய், விஷ்ணுவைப் போல், கையில் சங்கு,சக்கரம் மற்றும் வாசலில் துவார பாலகர்களோடு ஆஜானுபாகுவாக உள்ளார். இந்த கோவிலின் ஸ்தல புராணம் தெரியவில்லை. அங்கிருந்து திரும்பவும் கும்பகோணம் வந்து,அங்கிருந்து திருச்சி நோக்கி பயணித்தோம். மூன்றரை மணி நேரப் பயணம் ,அதுவும் சுட்டெரிக்கும் 12 மணி வெயிலில். ஒரு வழியாக மதியம் மூன்றரை மணிக்கு திருச்சி போய் சேர்ந்த நாங்கள், பயணக் களைப்பால் மலைக்கோட்டையை பார்க்க முடியவில்லை.(ஏற்கனவே பல முறை பார்த்துவிட்டாலும், இந்த முறை பார்க்க முடியாதது வருத்தமே, என்ன பண்றது?). அன்று இரவு திருச்சியில் தங்கிவிட்டோம்.

தொடரும்.....

8 comments:

Jeevan said...

kovilkalin nagaram Kumbakonamu solluvanga. enakkum ramba naala kumbakonam maga maga kolam pakanumnu asai.

ambi said...

kumbakonam alunga intha postaa padichaa enna aagum? yen blogla oru Kumbakonam party vanthurukku, name viji, konjam vambuku izhunga, (niceaa oru comment pottutu vandhudunga, party thaana unga posta padikkum)

Usha said...

Welcome to the club! Nalla sthala varalaru solreenga, appadiye andha sannidhi photo onnu google panni podungalen...

Gopalan Ramasubbu said...

kovil history ellame solrenga?romba bakthi maan ah irupenga pola?

வேதா said...

@jeev,
kandippa paaka vendiya idam thaan.)
@ambi,
kumbakonam pathi naan ethuvaum thappa sollaliye. yaaraiyavathu vambukku izhuthu sindu mudiyalena unakku thookame varaatha:) athuvum antha viji en posta vida un commenta paathutu thaan tenson aga poraanga:)
@usha,
potos? next partla try panren.:)
@gops,
yen neenga koviluke poga maatengala enna? as it is ,enaku pazhaya kovilgaluku porathuku romba pidikum. i used to wonder how they could construct such a big temple with rich architecture in those days. romba great thaan illa?:)

Ram said...

Ulaavarum Ozhikkadhir nu DD la oru program paartha maadhiri nyabagamirukku..

smiley said...

bus jannal ilil irunthu kai neetinaal kdavi thatalam.... nalla example. irandu pakkam kadavai outside open panni vittaal bus oda idam irukathu polirukku

வேதா said...

@ram,
இது புகழ்ச்சியா, இகழ்ச்சியா? இல்லை வஞ்சப் புகழ்ச்சியா? :):)

@smiley,
//irandu pakkam kadavai outside open panni vittaal bus oda idam irukathu polirukku//
எனக்கும் இந்த டவுட் தான்:):)