Thursday, April 06, 2006

காரணப் பெயர்கள்!


பட்டங்கள் வாங்குகிறோமோ இல்லையோ, பட்டப்பெயர்கள் வைக்காம

இருக்கமுடியுமோ? நான் காலேஜ்ல சேரும் போது எங்க க்ளாஸ்ல 70 பேர் இருந்தாங்க(ரெண்டு மாசம் கழிச்சுப் பார்த்தா, அதுல பாதிய காணும்). எல்லாரும் என்ட்ரன்ஸ் எக்ஸாம் எழுதிட்டு எதுக்கும் இருக்கட்டும்னு காலேஜ்ல சேர்ந்துட்டாங்க. அதனால ஒவ்வொரு நாளும் ஒரு புதுமுகம் அறிமுகம். இப்டியா ஒரு மாசத்துக்கு திருவிழால தொலஞ்சுப் போன கொழந்தப் போல, பேந்த பேந்த முழிச்ச எனக்கு ஒரு வழியா பிரண்ட்ஸ் செட் ஆனாங்க. எங்க செட்ல மொத்தம் ஏழு பேரு. நாங்க பண்ணின அட்டகாசம் பத்தி சொல்லனும்னா அதுக்கு தனியா ஒரு ப்ளாகே போடனும். எங்க எல்லாருக்கும் பட்டப்பெயர்கள் உண்டு.

1. மிஸ் சுறுசுறுவர்த்தி:


எப்போ வருவா, எப்போ போறான்னே தெரியாது, அப்டியே மின்னல் மாதிரி வந்துட்டு போய்டுவா. காலேஜ்ல கடைசி பீரியட் ஆரம்பிக்கும்போதே மூட்டை முடிச்சு கட்ட ஆரம்பிச்சிடுவா:) கிளாஸ் முடிஞ்ச அடுத்த செகண்ட் காலேஜ் வாசல்ல இருப்பா. ஒரு வாட்டி கிளாஸ் முடிஞ்சு லெக்சரர் போறதுக்கு முன்னாடியே வெளியில போய் சாதனை படைச்சவ. இவள் தான் எங்க கிளாஸ் சுறுசுறுவர்த்தி.


2. மிஸ். கேணை கிறுக்கி:


இவ கிட்ட போய் நம்ம காலேஜ்க்கு பில் கிளிண்டன் வரார்னு சொன்னா கூட, அப்பிடியா, நமக்கு ஆட்டோகிராப் போட்டுத் தருவாரான்னு கேட்கும். அவளை போட்டு பயங்கரமா வாருவது தான் எங்க பொழுதுபோக்கே. ஆனா ரொம்ப நல்ல பொண்ணு, எங்க ரவுசு எல்லாத்தையும் தாங்கும் ரவுசு தாங்கி இவள். இப்ப ஒரு டீச்சரம்மா இவங்க.

3. மிஸ் சொபிஸ்டிக்கேடட்:


இவங்க எல்லா விஷயத்தையும் ஒரு நாசூக்காக தான் அணுகுவாங்க. லோக்கல் பாஷைல பேசிக்கிட்டே இருக்கும் போது திடீர்னு பீட்டர் விடுவா.என்னடான்னு பார்த்தா, யாராவது பசங்க தாண்டிப் போயிருப்பாங்க, இல்லேன்னா யாராவது வேற கிளாஸ் பொண்ணுங்க போயிருப்பாங்க. ஆக மொத்தத்தில் ஏரியாக்குத் தகுந்தபடி பாஷை மாற்றும் திறமை படைத்த சகலகலாவல்லி இவங்க.இவங்களும் டீச்சரம்மா தான்.


4. மிஸ் நெகட்டிவ்:


இன்னிக்கு திங்ககிழமைன்னு நாங்க சொன்னா, நல்லா தெரியுமா, அப்ப நேத்திக்கு சண்டேவா? நல்லா தெரியுமான்னு? போட்டு எங்களை கொழப்பிடுவா. ஏதாவது ஒரு தியரம்க்கு நாங்க ஆன்சர் கண்டுபிடிச்சா, இது தான் அதுவா? இல்ல, அது தான் இதுவா? அப்டீனு விசு மாதிரி குழப்பி, எப்பவுமே நெகட்டிவா திங்க் பண்ணி தானும் குழம்பி, எங்களையும் கதிகலங்க வைத்து புண்ணியம்
கட்டிக்கொள்வாள்.நன்றாக கவிதை எழுதுவாள், அதனால் அந்த விஷயத்தில் எனக்கு ரொம்ப தோஸ்த்து.

5. மிஸ் நோ டர்னிங் பேக்:

எங்க க்ரூப்லேயே ரொம்ப பாவம் இவங்க தான். ஏதோ 'ஒரே எரியா 'பாசத்துல கண்மூடித்தனமா எங்களோட சேர்ந்துட்டா இவ. பாவம் ரொம்ப வருத்தப்பட்ருப்பா, எங்க ரவுச தாங்க முடியாம. காலேஜ் முடிஞ்சு நாங்க எல்லாம் ஒன்னா தான் கெளம்புவோம். நாங்க எல்லாம் "ஆமா வீட்டுக்கு போய் என்ன கிழிக்கப்போறோம்"னு மெதுவா நடப்போம். ஆனா இவ மட்டும் நடக்க ஆரம்பிச்சா போதும், நோ டர்னிங் பேக் தான். ஸ்டாப்பிங் போய் தான் திரும்பிப் பார்ப்பாள்.

6. மிஸ் பங்ச்சுவாலிட்டி:

எட்டு மணிக்கு வா'ன்னு சொன்னா, அடுத்த நாள் எட்டு மணிக்கு வந்து நிப்பாங்க இந்த மேடம். அதனால் எங்கயாவது போகணும்னா, நாங்க இவளுக்கு மட்டும் ஒரு ரெண்டு மணி நேரம் முன்னாடியே வரச் சொல்வோம், அப்ப தான் ஒரிஜினல் நேரத்துக்கு வந்து நிப்பா. இவ கல்யாணத்துக்காவது ஒழுங்கான நேரத்துக்கு வராளா பாக்கலாம்னு நாங்க பெட் கட்டியிருக்கோம்னா பார்த்துக்கோங்க இவ நேரம் தவறாமையின் மகிமையை. அந்த மாதிரி ஏதாவது நடந்தால் உலகத்தின் எட்டாவது அதிசயம் அது தான்.


7. மிஸ் தமிழ்த்துறை:

வேற யாரு? அடியேன் தான். யாராவது வந்து என் கிட்ட 'எனக்கு டமில் அவ்லவா வராது' சொன்னா போதும் எனக்கு அப்டியே கோவம் வரும் பாருங்க, அவ்வளவு தான், அன்னிக்கு என் கிட்ட மாட்டினவ காலி, அப்புறம் என்ன எங்கயாவது பார்த்தா, அப்பிடியே எஸ்கேப் தான். அப்பப்ப கவிதை எழுதறேன்,கட்டுரை எழுதறேன்னு சொல்லி தமிழ்த் துறைக்கு போய் விடுவேன். அவங்க என் தொல்லை தாங்காம , என் கவிதை ரெண்ட காலேஜ் மாகஸின்ல போட்டாங்க. தமிழ் எக்ஸாம் போது மட்டும் எல்லாருக்கும் என் மேல ஒரு பாசம் பொங்கும் பாருங்க,அப்டியே பொங்கி வழியும். எப்பப் பாரு தமிழைத் தாங்க வந்தவ மாதிரி பேசும் காரணத்தால் இந்த காரணப் பெயர்.

இதெல்லாம் படிச்சுட்டு எங்கள பத்தி தப்பா நெனச்சுடாதீங்க. எங்க ஆட்டம் எல்லாம் காலேஜ் உள்ள தான். பொது இடங்களில் எல்லாம் நாங்க ரொம்ப நல்ல பொண்ணுங்க :) எங்க சமத்த பத்தி 27D பஸ் பத்தி பத்தியா சொல்லும், ஏன்னா நாங்க கிளாஸ்ல இருந்த நேரத்தை விட 27Dல பயணித்த நேரம் தான் அதிகம்.


note: i am going on a short trip to trichy and sorrounding places. so meet u on sunday.bye......................................................:)

12 comments:

vishy said...

இதெல்லாம் படிச்சுட்டு எங்கள பத்தி தப்பா நெனச்சுடாதீங்க.

Thappa nenaikara avalukku neenga onnume matter aah ezhuthaliye...

ambi said...

patta peru ellam sema comedy...
athellam seri. pala, pala matterkala muzhukka ezhthinaa thanee, thappa naikanuma vendamaanu solla mudiyum? :)

unknown said...

innam ninga ennoda kathaiya ketkala..innam niraiya unga kitta ethirparthen..ippadi ennoda aasaiyil mannu alli pottutingale

Usha said...

endha college neenga?

Jeevan said...

Nalla peru vaikeranga pa. Nice to read, about your collage kurumbu, nenga thaan unmaiyanan tamil ponnu, tamil maala avalavu pasam vachirukenga.Enjoy your trip:)

Gopalan Ramasubbu said...

மிஸ் தமிழ்த்துறை vida Ms.Tamizhamma will suit much better;)

My days(Gops) said...

பட்ட பெயர் வைப்பது தப்பொன்னும் இல்லையே?

"Trichy" ku poitu vandhu, ooru eppadi irruku nu sollunga...

ashok said...

very funny :-D

வேதா said...

@vishy,ambi
matterlam thaniya oru postla podren:)
@ammu,
unga kadhaiya? athu enna?
@usha,
ethiraj
@jeev,
thanks.
@gops,
tamil ammava? tamilnatuku oru amma thaan. athanala naan ms.tamilthurai thaan.:)
@mydays,
tiruchi trip pathi next postla.
@ashok,
:):):)

Harish said...

Nalla set ponga

smiley said...

nice group of friends... :)

வேதா said...

@harish, smiley,
danks pa:)