Wednesday, April 25, 2007

தொடரும் அனுபவங்கள் - 3



நாளை என்பதே கிடையாது சிம்மனிடம் என்று சொல்வார்கள். சிறுவன் பிரகலாதனிடம் அவன் தந்தை இரண்யகசிபு 'எங்கே உன் ஹரி?' என்று கேட்டவுடன் 'அவன் தூணிலும் இருப்பான், துரும்பிலும் இருப்பான்' என்று கூறுகிறான். தன் பக்தன், ஒரு சிறுவன் கூறுகிறான் என அலட்சியப்படுத்தாமல் பக்தனை காக்க தூணை பிளந்த வந்த சிம்மன் அதன் பிறகு யோகத்தில் அமர்ந்தது இந்த மலையில் தான். இது நான் குழந்தையாக இருந்த போது சோளிங்கரின் கோவில் பற்றி பெரியவர்கள் சொல்லிக் கேட்ட கதை. பின் தெரிந்துக்கொண்டது,

ஒரு முறை சப்தரிஷிகளும் நரசிம்மரை தரிசிக்க வேண்டி இங்கே தவம் செய்தார்கள். அப்பொழுது அவர்களின் தவத்தில் மகிழ்ந்து சிம்மன் ஒரு கடிகைக்குள் அதாவது சுமார் 24 நிமிடங்களுக்குள் யோக நிலையில் தரிசனம் கொடுத்தார்.இதனால் இந்த இடம் கடிகை மலை, திருக்கடிகை, கடிகாசலம் என்றும் அழைக்கப்படுகின்றது. ரிஷிகளின் தவத்தை கலைக்க முயன்ற அரக்கர்களிடமிருந்து அவர்களை காப்பாற்ற தன் சங்கு,சக்கரத்தை ஆஞ்சநேயரிடம் கொடுத்து அவர்களுக்கு காவலாக அமர வைக்கிறார் சிம்மன். அதற்கு சாட்சியாக சின்ன மலையில் ஆஞ்சநேயர் யோக நிலையில் சங்கும்,சக்கரமும் தரித்து காட்சி அளிக்கிறார்.




சரி, இப்ப பெரிய மலை ஏறுவோம். 1305 படிகளை கொண்டு சுமார் 750 அடி உயரத்தில் அமைந்துள்ளது பெரிய மலை. அடிவாரத்தில் சில படிகள் ஏறியவுடன் அமைந்துள்ளது வீர ஆஞ்சநேயர் சன்னிதி, சிம்மனை தரிசிக்கும் முன் அவன் அடியாரை தரிசித்து அவன் அருளுடன் மலை ஏறுவோம். இங்கு நம் சகாக்களான வானர படையினரின் வரத்து கொஞ்சம் அதிகம் என்பதால் சற்று சாக்கிரதையாக ஏற வேண்டும். முடிந்த வரை கையில் எதுவும் வைத்துக்கொள்ள வேண்டாம். பூ, துளசிமாலை எல்லாம் அடிவாரத்தில் கிடைக்கும், அதை வாங்கிக்கொண்டு ஏறினால் சிம்மன் மனது வைத்தால் மட்டுமே மேலே ஏறும் வரை அவை உங்களிடத்தில் இருக்கும், இல்லையெனில் பாதி வழியிலேயே அவன் அடியார்கள், அதான் நம்ம சகாக்கள் வாங்கி தங்கள் கழுத்தில் சார்த்திக்கொள்வார்கள்:) எனவே முடிந்த வரை தவிர்த்துவிடுங்கள். பெருமாளுக்கு கற்கண்டு பொட்டலமும், தாயாருக்கு குங்கும பொட்டலமும் மட்டும் வாங்கிக் கொள்ளலாம் அதுவும் சிறிய பாக்கெட்டாக வாங்கிக்கொள்ளுங்கள். பெண்கள் சேலையோ,சுடிதாரோ எது அணிந்தாலும் காற்றில் பறக்கவிடாதீர்கள், பின்னாடியே வந்து இழுத்து விடும். கண்டிப்பாக தலையில் பூ வைத்துக்கொண்டு மலை ஏறாதீர்கள். கையில் கம்பு வைத்துக்கொள்ளுங்கள்,அடிவாரத்தில் கிடைக்கும், ஆனால் அது பயமுறத்த மட்டும் தான், அடித்து மட்டும் விடாதீர்கள்.

முதன் முறை ஏறுபவர்களுக்கு சற்று சிரமம் தான். ஏறும் போது செங்குத்தாக ஏறாமல் வளைந்து வளைந்து ஏறினால் அதாவது zigzag ஆக ஏறினால் சிரமம் இருக்காது. மேலே ஏற ஏற வெயில் தெரியாமல் இருக்க சில வருடங்களுக்கு முன் கூரை போட்டுள்ளார்கள். சிறு வயதில் நாங்க நண்பர்கள் அனைவரும் சேர்ந்து மலையேறும் போது விடுவிடுவென்று நிற்காமல் மேலே ஓடுவோம், திடீரென்று எங்கேயாவது குரங்கு கூட்டத்தை பார்த்தால் மட்டும் பயந்து நின்று விடுவோம் என் அண்ணன் வருவதற்காக. என் அண்ணனும் சும்மா இருக்க மாட்டான் கம்பை அதன் முகத்திற்கு நேரா காண்பித்து அதை சீண்டுவான், மிரட்டினால் ஓடி விடும். இப்பொழுதெல்லாம் அப்டியில்லை எல்லா வானரங்களும் மனிதர்களை விட தேறி விட்டன, நாம் முறைத்தால் அதுவும் திரும்பி முறைத்து நம்மை துரத்தும். அதனால் நாம் சீண்டாமல் இருப்பதே நலம் :)

மேலே ஏற ஏற ஒவ்வொரு 100 படிகள் முடிந்தவுடன் 100வது படியிலேயே எண்ணிக்கை பதித்திருப்பார்கள். அதை வைத்து இன்னும் எவ்வளவு நேரம் ஆகும் என கணக்கிடலாம். அங்கங்கே மண்டபங்கள் கட்டப்பட்டிருக்கும், அதில் அமர்ந்து ஓய்வெடுத்துக்கொண்டும் போகலாம். நீர்மோர் கூட கிடைக்கும். தாகத்திற்கு சில இடங்களில் குழாய்களும் உண்டு. பாட்டிலில் தண்ணீர் கொண்டு வர தேவையில்லை, மலை மீது தண்ணீர் ரொம்ப இனிப்பாக அருமையாக இருக்கும். அதுவும் யாரும் இல்லாத சமயத்தில் அழகாக குழாயை திறந்து நம் சகாக்களும் தாகம் தீர்த்துக்கொள்வர். குடும்பம் குடும்பமாக அமர்ந்துக்கொண்டு நம்மை வேடிக்கை பார்ப்பது தான் அவர்களுக்கு பொழுதுப்போக்கே:)

உயரத்திலிருந்து பார்க்கும்போது மலையை சுற்றிய இடங்களில் இயற்கையின் அழகு கொட்டிக்கிடக்கும். சுற்றிலும் பசுமையான வயல்வெளிகள், மலைத்தொடர்கள் என அழகான காட்சிகள் காணக்கிடைக்கும். கடைசி சுமார் 100 படிகள் ஏறுவது தான் கொஞ்சம் சிரமம்,ரொம்ப செங்குத்தாக இருக்கும், ஏற்கனவே களைத்துப் போய் வரும் நமக்கு இங்கு கொஞ்சம் மூச்சிரைக்கும். பின் கோபுரவாசலிலே அமைந்திருக்கும் படிகளில் அமர்ந்துக்கொண்டு ஆளையே தூக்கி விடும் அளவுக்கு வீசும் காற்றில் ஆசுவாசப்படுத்திக்கொண்டு உள்ளே நுழைவோம்.
கோபுரவாயிலில் வழி சென்று இடதுபுறத்தில் திரும்பியவுடன் இருக்கும் குழாய்களில் கால்களை அலம்பிக்கொண்டு, தாகம் தணித்துக்கொண்டு தாண்டிச்சென்றால் கொடி மரம் வரும். இங்கு சேவித்துவிட்டு வலதுபுறம் நுழைந்தவுடன் பிரகாரம் வரும். இதில் பிரகாரத்தை வலதுப்புறமாக சுற்றிக்கொண்டு வரிசையில் உள் நுழைந்தால் முதலில் தாயார்சன்னதி. அழகும்,அறிவும்,கம்பீரமும் நிறைந்து நம்மை இன்முகத்துடன் வரவேற்கும் நம் தாய், அமிர்தவல்லித்தாயார். இங்கு குங்கும பொட்டலத்தை கொடுத்து அர்ச்சித்து பின் தாயாரை பிரதட்சணம் செய்துக்கொண்டு ஒரு பெரிய வலம் வந்தால் ஸ்ரீயோக நரசிம்மர் சன்னதி. இவன் சன்னதியை காணத் தான் இவ்வளவு படிகள் ஏறி வந்தோமென்றால் இங்கேயும் சுமார் 10 படிகள் ஏற வைக்கிறான் சிம்மன். அழகிய அமர்ந்த கோலத்தில் கம்பீரத்துடனும், கண்களில் கருணையுடனும் நம் துன்பம் நீக்கும் அழகிய யோக நரசிம்மன் சன்னிதியின் உள்ளே மட்டுமா வீற்றிருக்கிறான்? அவன் கோலம் காண மலையேறி வந்துள்ள நம் உள்ளங்களிலும் தான்.


அனுபவங்கள் தொடரும்..

34 comments:

நாகை சிவா said...

நல்லா பாத்துக்கோங்க...

இப்ப வரேன், அப்பால வரேன் என ஏதும் சொல்லாம கமெண்ட் போட்டுறேன்....

அட எம்புட்டு விளக்கம் கொடுக்க வேண்டியது இருக்குப்பா!!!

நாகை சிவா said...

// ஆனால் அது பயமுறத்த மட்டும் தான், அடித்து மட்டும் விடாதீர்கள்.//

புரியுது... உங்கள் கரிசனம் ;-)

நாகை சிவா said...

//மலை மீது தண்ணீர் ரொம்ப இனிப்பாக அருமையாக இருக்கும். //

சுவையான தண்ணீர் தான்.

//சிறு வயதில் நாங்க நண்பர்கள் அனைவரும் சேர்ந்து மலையேறும் போது விடுவிடுவென்று நிற்காமல் மேலே ஓடுவோம்,//

இப்ப கூட நாங்க அப்படி தான். வில்லில் இருந்து புறப்பட்ட அம்பு போல... நுழைவாயிலை அடையும் வரை ஒரே வேகம் தான்.

நாகை சிவா said...

இதிலும் நான் தான் பர்ஸ்டா,
சுண்டல், பாண(க)ம் உண்டா....

ஏதும் கொஞ்சம் நல்ல பாணம் இருந்தா கொடுங்க...

ambi said...

//அவன் கோலம் காண மலையேறி வந்துள்ள நம் உள்ளங்களிலும் தான்.
//
அருமையான பதிவு. அற்புதமான எழுத்து நடை. அதுவும் என் உள்ளங் கவர்ந்த தென்திருபேரை மகர (சாரி, வேற போஸ்ட் படிச்ச சைடு எபக்ட்டு) நரசிம்மரை பத்தி ரொம்ப
எளிமையா எழி இருக்கீங்க. :)

உங்கள் எழுத்தில் ஞான பூமி மணியன், ப்ரியா கல்யாண ராமன் சாயல் தெரிகிறது. :p

Dreamzz said...

// அதுவும் யாரும் இல்லாத சமயத்தில் அழகாக குழாயை திறந்து நம் சகாக்களும் தாகம் தீர்த்துக்கொள்வர். குடும்பம் குடும்பமாக அமர்ந்துக்கொண்டு நம்மை வேடிக்கை பார்ப்பது தான் அவர்களுக்கு பொழுதுப்போக்கே:)
//

நாம் அவர்களை பார்க்கின்றோம்... அவர்கள் நம்மை ;)

Dreamzz said...

நல்ல பதிவு வேதா.. நன்றி!!

Ravi said...

Veda, Inikku dhaan thirumba vandhu ungalukku oru reminder kodukkalaamnu nenachen. Parava illai, adhukkuLLa mundhikiteenga! Though I have said this before, your current post is reiterating it : Unga Thamizh nadai is so wonderful and makes the post so interesting to read. Miga arumai Veda. Romba nandri again!!

வேதா said...

@சிவா,

/புரியுது... உங்கள் கரிசனம் ;-) /
என்ன பண்றது புலி சேர்க்கை அப்டி ;)

/இப்ப கூட நாங்க அப்படி தான். வில்லில் இருந்து புறப்பட்ட அம்பு போல... நுழைவாயிலை அடையும் வரை ஒரே வேகம் தான்./
அது சரி மலை மேல ஓடிப்பாருங்க அப்ப தெரியும் வேகம் என்னன்னு?:)

/ஏதும் கொஞ்சம் நல்ல பாணம் இருந்தா கொடுங்க.../
உம்.. சோம பானம் வரவழைத்து தரேன்:)

/அட எம்புட்டு விளக்கம் கொடுக்க வேண்டியது இருக்குப்பா!!!
உங்க கடமை உணர்ச்சியை நான் பாராட்டுறேன் சிவா:)


@அம்பி,
/உங்கள் எழுத்தில் ஞான பூமி மணியன், ப்ரியா கல்யாண ராமன் சாயல் தெரிகிறது. :p /
என்னது? இதென்ன இப்டி ஒரு உள்குத்து:)

@ட்ரீம்ஸ்,
/நாம் அவர்களை பார்க்கின்றோம்... அவர்கள் நம்மை ;)/
அவங்க நம்மள விட உஷாரான பார்ட்டிங்க:)

/நல்ல பதிவு வேதா.. நன்றி!!/

நன்றி ட்ரீம்ஸ்:)

@ரவி,
உங்கள மாதிரி என் எழுத்தை ஊக்குவிக்கறவங்க இருக்கறதனால ஏதோ எழுத முடியுது ரவி. நியாயமா பார்த்தா நான் தான் நன்றி சொல்லனும், நன்றி:)

Kamal said...

Awesome....Ippavae enakku anga poganum pola irukku...Will try to go by this weekend...Keep up the good work...

கீதா சாம்பசிவம் said...

romba arumaiyana ezuthu nadai Veda, mmmm nanga innum Solingar ponathillai. poka venumnu asaiyai thundi viduthu unga pathivu. parkalam.

Priya said...

வேதா, உலா வரும் ஒளிக்கதிர் தோத்துடும். நல்லா எழுதறிங்க..

Priya said...

//எல்லா வானரங்களும் மனிதர்களை விட தேறி விட்டன, நாம் முறைத்தால் அதுவும் திரும்பி முறைத்து நம்மை துரத்தும். //

நம்மள பாத்து தான் கத்துட்டிருக்கும்.

தி. ரா. ச.(T.R.C.) said...

நல்லா எழுதறீங்க.பயனுள்ள தகவலும் இருக்கு,மற்றபடி ஸ்தல புரணம்,உத்ஸ்வநாட்கள், எல்லாமும் எழுதமுடியுமா?கடிகாசலம் என்ற பெயரும் உண்டு.

Syam said...

ரொம்ப பக்தி பரவசமா இருக்கு...நம்ம உடம்புக்கு ஆகாது :-)

மு.கார்த்திகேயன் said...

//திடீரென்று எங்கேயாவது குரங்கு கூட்டத்தை பார்த்தால் மட்டும் பயந்து நின்று விடுவோம் என் அண்ணன் வருவதற்காக. என் அண்ணனும் சும்மா இருக்க மாட்டான் கம்பை அதன் முகத்திற்கு நேரா காண்பித்து அதை சீண்டுவான், மிரட்டினால் ஓடி விடும்//

நாட்டாமை... நம்ம வாணரப் படை சீண்டப்படுகிறது. ஓடியாங்கோவ் நாட்டாமை

Bharani said...

ippave malai erina effect kedachidichi :)

Bharani said...

aana namma sagaakalai nenachathaan lie-a udharudhu :(

Bharani said...

paarkalam...eppa indha koyiliku poren......unga narration super :)

மு.கார்த்திகேயன் said...

//நீர்மோர் கூட கிடைக்கும். தாகத்திற்கு சில இடங்களில் குழாய்களும் உண்டு. பாட்டிலில் தண்ணீர் கொண்டு வர தேவையில்லை, மலை மீது தண்ணீர் ரொம்ப இனிப்பாக அருமையாக இருக்கும்//

இவ்வளவு விஷேசமான கோயிலை முதல் முறை இப்போது தான் கேள்விப்படுகிறேங்க வேதா.. நல்லா விலாவாரியா எழுதியிருக்கீங்க.. அந்த ஒவ்வொரு படிக்கட்டிலும் நாங்களும் மலை மேல ஏறுன மாதிரி ஒரு அனுபவம்

மு.கார்த்திகேயன் said...

//அவன் கோலம் காண மலையேறி வந்துள்ள நம் உள்ளங்களிலும் தான்.
//

உண்மை வார்த்தைகள் வேதா

SKM said...

Very interesting. Poganum ndra aasaiyai yezhupudhu unga pathivu.
1305 padigaL vayadhanavargaLaal yera mudigiradha? adhuvum chenguthaa?

மணி ப்ரகாஷ் said...

//இப்ப வரேன், அப்பால வரேன் என ஏதும் சொல்லாம கமெண்ட் போட்டுறேன்....//

உள்குத்தா????


ஆனாலும் நாங்க சொல்லுவோம்ல...


அப்பால வருவேன்

கீதா சாம்பசிவம் said...

grrrrrr Karthik, ithu enna intha aanmiga-payanathile mattum kalanthukaringa? irandam muraiya kedkiren :P

வேதா said...

@கமல்,
நன்றி கமல் இப்ப எழுதறதில்லையா நீங்க?

@கீதா,
நாடு திரும்பியதும் ஒரு முறை கண்டிப்பா போயிட்டு வாங்க:)

@ப்ரியா,
/, உலா வரும் ஒளிக்கதிர் தோத்துடும். நல்லா எழுதறிங்க../
ஹாஹா நன்றி ப்ரியா:)

@திராச,
கோவில் தோன்றியதற்கான புராணம் இந்த பதிவிலேயே சொல்லியிருக்கேன் அது தவிர கோவில் கட்டியது யார், எந்த காலக்கட்டம் என்பதை பற்றி எனக்கு சரியாக தெரியவில்லை, கூகிளாண்டவரிடம் வரம் கேட்டிருக்கிறேன் கிடைத்ததும் அடுத்த பகுதியில் குறிப்பிடுகிறேன், நன்றி:)

@ச்யாம்,
முதல்வரே பார்த்து பக்தி முத்தி போய் சாமியாட போறீங்க:)

வேதா said...

@கார்த்தி,
நாட்டாமை முதல்லேயே வந்து பார்த்துட்டு ரொம்ப பக்தி பரவசமாகி கன்னத்துல போட்டுக்கிட்டு போயிட்டார்:)

@பரணி,
கண்டிப்பாக போய் பார்க்க வேண்டிய ஸ்தலம் தான் பரணி, சகாக்களை கண்டு பயப்படாதீங்க அவங்கள சீண்டாம இருந்தா உங்கள சமத்தா மலை மேல கொண்டு போய் சேர்த்துவிடும்:)

@கார்த்தி,
/அந்த ஒவ்வொரு படிக்கட்டிலும் நாங்களும் மலை மேல ஏறுன மாதிரி ஒரு அனுபவம்/
நன்றி தலைவரே உங்க கட்டுரைகளை விடவா நான் லைவ்லியா எழுதறேன்?:)

@எஸ்.கே.எனம்,
வயதானவர்களுக்கு கொஞ்சம் கஷ்டம் தான் ஆனா எல்லா இடங்களிலும் செங்குத்தாக இருக்காது,அங்கங்கே சம தளங்களும் உண்டு. மெதுவாக அவகாசம் எடுத்துக் கொண்டு ஏறலாம். மனமிருந்தால் மார்க்கபந்து சீசீ மார்க்கமுண்டு:)

@ப்ரகாஷ்,
அந்த உள்குத்து உங்களுக்கு இல்ல, எனக்கு தான்:) நீங்க போயிட்டு வந்து கமெண்டலாம்:)

@கீதா,
ஹிஹி தலைவருக்கு கட்சியின் மேல அவ்ளோ மரியாதை அதான் துணை முதல்வரின் பதிவுகளுக்கு வந்து தலையை காட்டிட்டு போறார்:)

ambi said...

//1305 padigaL vayadhanavargaLaal yera mudigiradha? adhuvum chenguthaa?
//

@skm, ada daa, Geetha madam mela ungaluku enna parivu, enna paasam? :p

I M NOT ACE :) :) said...

அருமையா எழுதி இருக்கீங்க.. வாழ்த்துக்கள்..

I M NOT ACE :) :) said...

சிறு பொட்டலங்கள் எடுத்து சென்றாலும் மறைவாக எடுத்து செல்ல வேண்டும்..

ஒரு சில முறை, என் பாக்கெட்டுகளை வானரங்கள் சோதனை செய்திருக்கிறது.. சாப்பிட கூடிய பொருள் ஒன்றுமில்லையாதலால் விட்டுவிட்டன.. :) :)

I M NOT ACE :) :) said...

மலை ஏறும் போது எங்கேயும் உக்காராம, ஏறனும்னு யாரோ எங்க கிட்ட கொளுத்தி போட்டாங்க.. அதனால நாங்களும் எங்கேயும் அமராம மலை ஏறுவோம்.. அப்படி ஏறினாலே 25 - 30 நிமிடங்கள் ஆகும் மலை ஏறி முடிப்பதற்கு :) :)

கீதா சாம்பசிவம் said...

enna achu? rombave busyyo? vitu pakkame kanom?

வேதா said...

@ace,
நீங்க i am not ace மாத்திட்டீங்களா? என்ன கொடுமை இது i am not ace ?
:)

மலை ஏறும் போது எங்கேயும் உட்கார கூடாதுன்னு சில பேர் சொல்வாங்க நாங்களும் 20 நிமிஷத்துல உட்காராம ஏறுவோம். ஆனா அதெல்லாம் பார்த்தா முடியுமா? எனக்கு அதிலெல்லாம் நம்பிக்கை இல்ல, அதுவும் தவிர வயதானவர்களுக்கெல்லாம் அப்டி ஏறுவது கடினம் இல்லையா?:)

/சிறு பொட்டலங்கள் எடுத்து சென்றாலும் மறைவாக எடுத்து செல்ல வேண்டும்../
மறைவா எடுத்துட்டு போனா தான் அவங்களுக்கு ஆர்வம் அதிகமாகும்:)
ஒரு முறை என் பர்ஸை அப்டி தான் பிடிங்கிடுச்சு அப்புறம் எங்கண்ணன் வந்து மிரட்டினவுடன அவனை கொஞ்சம் முறைச்சுட்டு கீழ போட்டுட்டு போயிடுச்சு :)

@கீதா,
தலை(வலி)வி உங்க வீட்டுக்கு வராமயா? :)

பொற்கொடி said...

latea :-(

Arunkumar said...

வீக்கெண்ட் ஆர அமர படிக்கிறேன் டீச்சர்...